Əlyazmalar və səslərin ekspertizaları şöbəsi

Тel.: (99412) 5985364, 5985384, 5980960
Е-mail: xatt@expert.gov.az , azcrimexpert@azdata.net

Şöbədə aşağıdakı ekspertizalar aparılır:
- məhkəmə-xətşünaslıq ekspertizası;
- məhkəmə-müəllifşünaslıq ekspertizası;
- məhkəmə-fonoskopik ekspertizası;
- məhkəmə-sənətşünaslıq ekspertizası.


1. Məhkəmə-xətşünaslıq ekspertizası eyniləşdirici və eyniləşdirici olmayan məsələlərin həlli üçün xətt və imzaların tədqiqatı məqsədi ilə aparılır.
Eyniləşdirici məsələlər: mətnin və ya imzanın icraçısının müəyyən edilməsi, müxtəlif mətnlərin, mətnin ayrı-ayrı fraqmentlərinin, imzaların, mətn və imzaların eyni şəxs tərəfindən icra olunub-olunmamasının müəyyən edilməsi.
Eyniləşdirici olmayan məsələlər: yazının xarici şəraitinin müəyyən edilməsi, əlyazmanın (imzanın) icraçısının daxili vəziyyətinin müəyyən edilməsi, əlyazmanın icraçısının cinsi mənsubiyyətinin müəyyən edilməsi və s.

2. Məhkəmə-müəllifşünaslıq ekspertizası eyniləşdirici və eyniləşdirici olmayan məsələlərin həlli üçün müxtəlif sənədlərin (əlyazma, makina yazıları) tədqiqatı məqsədilə aparılır.
Eyniləşdirici məsələlər: sənədi tərtib edən müəllifin müəyyən edilməsi, müxtəlif sənədlərin eyni şəxs tərəfindən tərtib edilməsi faktının müəyyən edilməsi.
Eyniləşdirici olmayan məsələlər: sənədin müəllifinin sosial-bioqrafik portretinin müəyyən edilməsi (ana dilinin, dil vərdişinin formalaşdığı yerin, savad səviyyəsinin), yazı nitqinin qəsdən dəyişdirilməsi faktının müəyyən edilməsi, sənəd müəllifinin qeyri-adi psixofizioloji vəziyyətinin müəyyən edilməsi və s.

3. Məhkəmə-fonoskopik ekspertizası eyniləşdirici və eyniləşdirci olmayan məsələlərin həlli üçün audio və video yazılarının tədqiqatı məqsədilə aparılır.
Eyniləşdirici məsələlər: fonoqrama yazılmış şifahi nitqin müəyyən şəxsə (şəxslərə) aid olub-olmamasının müəyyən edilməsi.
Eyniləşdirici olmayan məsələlər: fonoqrama yazılmış söhbətdə iştirak edən şəxslərin sayının, təqdim olunan fonoqramın əsli və surəti olub-olmamasının, fonoqramın yazıldığı səsyazma qurğusunun növünün və markasının, fonoqram yazısının xarici şəraitinin fonoqrama yazılmış söhbət iştirakçılarının sosial-bioqrafik portetinin və daxili vəziyyətinin, fonoqramda montajın olub-olmamasının müəyyən edilməsi və s.

4. Məhkəmə-sənətşünaslıq ekspertizası videofilmlərin, çap əsərlərinin, rəsm əsərlərinin pornoqrafik və ya erotik xarakterli olub-olmamasının müəyyənləşdirmək məqsədilə aparılır.